"Unga qarshi o'ynash oson emasdi" — Aleksandr-Arnold

"Liverpul" futbolchisi Trent Aleksandr-Arnold Eden Azar haqida fikr bildirdi. U o'z intervyusida shunday deydi:

"U APLda judayam tezkor hamda texnikali edi. Unda zaif nuqtalar bo'lmagan deb hisoblayman. Azar o'z  o'yinini mukammal darajaga olib chiqa olgan futbolchi. U bilan to'qnash kelganimda uning ustunligini darrov sezar edim. Boz ustiga, boshqa futbolchilar ham buni yaxshi bilishgan. Shu sabab unga qarshi o'ynash hech qachon oson kechmagan. U men uchun eng kuchli futbolchilardan biri bo'lib qolaveradi". 

Ma'lumot o'rnida shuni aytish joizki, Eden Azar "Chelsi" safida jami 352ta bahsda qatnashib, 110ta golga mualliflik qilgan edi.

Manba: teamtalk.com