Shkrinyar - "Liverpul" haqida: "Inter" etarlicha muammo tug'dirishga qodir jamoa"
/ Kiritdi: BestMaster Ko'rilgan: 127
Italiyaning "Inter" klubi himoyachisi Milan Shkrinyar EChLning 1/8 finalida "Liverpul" klubiga qarshi bo'lib o'tadigan uchrashuv haqidagi fikrlari bilan o'rtoqlashdi.
– O'tgan yili EChLni tark etganimizda hamma narsa yomondek tuyulgandi. Lekin, yakunda u bizga Italiya chempionatini yutishimizga yordam berdi. Turnirni tark etish bizni birlashtirdi.
– Nima uchun Sizga Evrokuboklar Italiyaga qaraganda qiyinchilik tug'dirmoqda?
– A Seriyada taktik o'yin namoyish etasan, aql bilan ko'proq harakat qilasan, hadeb oldingan-orqaga borib kelavermaysan. Masalan Angliyada faqat oldinga borishadi.
«Real»ga qarshi juda yaxshi o'ynadik, lekin darvozamizga 25 metrdan gol kiritishdi, biz bo'lsa faqat darvozaning to'sinini mo'ljalga olaverdik. Muay'yan jamoalar bilan o'yinda o'z imkoniyatlaringdan foydalanishing shart.
– "Liverpul"ga qarshi bo'ladigan bahsda "Inter"ning imkoniyatlari qanday?
– Men o'z jamoamga ishonaman. «Inter» «Liverpul»ga etarlicha muammolar tug'dira oladi, ayniqsa «San-Siro»da. Garchi yanvar-fevral oylarida taqvim zich bo'lishiga qaramay, "Liverpul" bilan bo'ladigan o'yinga tayyor bo'lamiz", – dedi Shkrinyar
Bosh sahifaga
384