Ukrainalik mutaxassis BAA chempionatida ketma-ket to'rt marta oyning eng yaxshi murabbiyi deb topildi (foto)

"Al-Ayn"ning ukrainalik bosh murabbiyi Sergey Rebrov Birlashgan Arab Amirliklarida oyning eng yaxshi murabbiyi deb topildi.

Klub matbuot xizmatining yozishiga qaraganda, bu sovrinni 47 yoshli mutaxassis ketma-ket to'rtinchi marta qo'lga kiritmoqda. Avvalroq, ukrainalik mutaxassis BAAda avgust, sentyabr va oktyabr oylarining eng yaxshi murabbiyi deb topilgandi.

Yakuniga etib borayotgan oyda Rebrov boshchiligidagi "Al-Ayn" "Al-Zafra" (1:0) va "Al-Jazira" (5:1) jamoalarini mag'lubiyatga uchratdi.

Qayd etish kerakki, ayni paytda "Al-Ayn" joriy mavsum BAA chempionatida hali mag'lubiyatga uchramagan va 10-turdan so'ng 24 ochko jamg'arib turnir jadvalida peshqadamlik qilmoqda.

للشهر الرابع على التوالي ????????

سيرجي ريبيروف يفوز بجائزة أفضل مدرب في شهر نوفمبر ????????????#نادي_العين pic.twitter.com/zPu3DtPZ6v