"Barselona" "Vest Xem" bilan kurashadi

"Real Sosedad"ning belgiyalik vingeri Adnan Yanuzay faoliyatini boshqa jamoada davom ettirishi kutilmoqda.

"Calciomercato" xabariga ko'ra, belgiyalik yarim himoyachining faoliyatini yanvardayoq boshqa jamoada davom ettirishi mumkin. Yanuzayga hozirda "Barselona" va "Vest Xem" klublari qiziqish bildirmoqda.

Ma'lumot uchun, 26 yoshli Adnan Yanuzay 2017 yilning yozidan buyon ispan jamoasida to'p surmoqda.

Joriy mavsumda yarim himoyachi barcha turnirlarda 25 ta o'yinda maydonga tushib, 2 ta gol urdi va 2 ta golli uzatmani amalga oshirdi. Futbolchining “Real Sosedad” bilan shartnomasi joriy mavsum oxirida yakuniga etadi.