Anchelotti: "Benzema dunyoning eng kuchli hujumchisi"

Madridning «Real» klubi bosh murabbiyi Karlo Anchelotti jamoa hujumchisi Karim Benzemaning sport formasi haqida fikr bildirdi.

– Benzema – ayni paytda dunyoning eng yaxshi hujumchisimi?

– Ha, men shunday deb o'ylayman, chunki hozir u ko'plab gollar kiritmoqda va bu ishni muntazam ravishda amalga oshirmoqda. U ham xuddi Ronaldu yoki Xolandlar bilan teng gol kiritdi.

Benzema – o'yin taqdirini hal qiladigan futbolchi. «Atletik»ka qarshi o'yinda biz buni qaytadan ko'rdik - u qisqa muddat ichida ikkita gol kiritdi. U ajoyib formada, – dedi Anchelotti.

Benzema bir yilda gol kiritish bo'yicha Ronaldudan (47) o'tib ketdi. Karimdan yuqori o'rinlarda Levandovski (69), Mbappe va Xolandlar (49 tadan) ketishmoqda.