Igor Sergeev Qozog'iston chempionatida yilning eng chiroyli goli muallifiga aylandi (video)

Qozog'iston professional futbol ligasi mavsum-2021ning eng chiroyli golini e'lon qildi.

Igor Sergeev tomonidan "Aktobe" safida Premer-liganing 4-turi doirasida "Ordabasi" darvozasiga urilgan gol ushbu sovringa munosib deb topildi. O'zbekistonlik futbolchi maydonning o'z jamoasiga tegishli qismidan zarba berganidan so'ng to'p posbonning ustidan oshib o'tib, to'rga borib tushdi.

Eslatib o'tamiz, Sergeev davralar oralig'ida "Tobol" safiga o'tib, Qozog'iston chempioniga aylandi.