Shomurodov sobiq jamoadoshi faoliyatini MLSda davom ettirishi mumkin

"Jenoa" himoyachisi va sardori Domeniko Krishito MLS klubiga o'tishi mumkin, deya xabar beradi jurnalist Nikolo Skira o'z sahifasida.

Ma'lumotlarga ko'ra, 34 yoshli futbolchiga "Toronto" qiziqish bildirmoqda. Biroq futbolchining o'zi Italiya klubida qolishni afzal ko'rmoqda.

Krishito joriy mavsumda “Jenoa” safida 16 ta o'yin o'tkazib, 6 ta gol urdi va 1 ta golli uzatmani amalga oshirdi.