"Liverpul" futbolchisi "Chelsi"ga qarshi bahsda maydonga tushmaydi

"Liverpul" "Chelsi"ga qarshi o'z futbolchisidan foydalana olmaydi. 2 yanvar kuni bo'lib o'tishi rejalashtirilgan "Chelsi" hamda "Liverpul" o'rtasidagi bahsda Endryu Robertson qatnashmaydi.

U "Tottenxem"ga qarshi bahsda jiddiy qo'polligi sabab qizil kartochka olgan edi. Uning chetlatilishi 28 dekabr kuni "Lester"ga qarshi bahsda tugashi kerak edi.

Ammo APL o'rtadagi (26 dek.) "Lids" bilan bahsni qoldirgani sabab, uning chetlatishi "Chelsi" bilan uchrashuvda ham amal qiladigan bo'ldi. "Chelsi" hozirda uchinchi o'rinda bormoqda. Ushbu bahs Klopp va Tuxel jamoasi uchun juda muhim sanaladi.