Tadich — Serbiyaning 2021 yildagi eng yaxshi futbolchisi

Serbiya 2021 yil yakunlarini sarhisob qildi. Xususan, mamlakatning eng yaxshi futbolchisi aniqlandi, deb xabar beradi mahalliy futbol ittifoqi matbuot xizmati. 

Mamlakatda yilning eng yaxshi futbolchisi “Ayaks”ning 33 yoshli hujumchisi Dushan Tadich bo'ldi. Qayd etish joiz, ushbu futbolchi faoliyati davomida uchinchi marta sovrinni qo'lga kiritmoqda. Ilgari u 2016 va 2019 yillarda eng yaxshi deb topilgandi.

Dragan Stoykovich Serbiyaning eng yaxshi murabbiyi deb topildi. Uning qo'l ostida milliy terma jamoa to'g'ridan-to'g'ri JCh-2022ga yo'l oldi. 

2021/2022 yilgi mavsumda Tadich Gollandiya chempionatining 18 ta uchrashuvida qatnashib, 7 ta gol va 11 ta golli uzatmaga mualliflik qilgan.