“Real” Bundesliga yulduzini sotib olmoqchi

Leverkuzenning “Bayer” jamoasida to'p surayotgan iqtidorli yarimhimoyachisi Florian Virts “Real”ga o'tishi mumkin. Bu haqda “Fichajes” nashri sahifalarida xabar berilgan. 

18 yoshli hujumkor futbolchining transferi 70 million evroga baholanmoqda. Uning “dorichilar” bilan shartnomasi 2026 yilning yozigacha amal qiladi.

Avvalroq, Florianga Londonning “Chelsi” klubi ham qiziqish bildirayotgani haqida xabarlar tarqalgan edi.

Joriy Germaniya Bundesligasida Virts 15 ta o'yin o'tkazib, 5 ta gol va 8 ta golli uzatmaga mualliflik qilgan.