Gavi bolaligidan nimani orzu qilganini aytdi

"Barselona" yarim himoyachisi Gavi jamoada o'ynash haqidagi his-tuyg'ulari bilan o'rtoqlashdi.

“Men bolaligimdan doim “Barselona”ga muxlislik qilganman. U er men bo'lishni xohlagan joy ekanligi aniq. "Kamp Nou"da o'ynash mening orzuim edi va men uni amalga oshirdim.

Dastlabki oylar men uchun juda qiyin bo'ldi, lekin asta-sekin jamoaga moslasha boshladim. Oxir-oqibat, hammasi yaxshi bo'ldi", - deya Gavining so'zlaridan iqtibos keltirgan "Diario Sport".