"Fiorentina" futbolchi sotib olmoqda

"Lill" yarim himoyachisi Jonatan Ikone faoliyatini Italiyada davom ettiradi.

Jurnalist Fabritsio Romanoning yozishicha, 23 yoshli frantsiyalik futbolchi tez orada “Fiorentina”ga yo'l oladi. Ma'lumotlarga ko'ra, u bugun Florentsiyaga uchib ketadi va u erda tibbiy ko'rikdan o'tadi.

Transfer summasi taxminan 14 million evroni tashkil qilishi kutilmoqda.

Ma'lumot uchun, Frantsiya chempionatining joriy mavsumida Ikone 18 ta o'yin o'tkazib, bitta gol urgan.