Klopp: "26 va 28 dekabr kunlari o'ynashimiz kerak - bu mumkin emas, bu qandaydir hazil!"

"Liverpul" bosh murabbiyi Yurgen Klopp jamoaning Rojdestvo davridagi taqvimidan noroziligini bildirdi.

"Boxing day" bilan bog'liq muammolarim yo'q, bu davrda ajoyib o'yinlar bo'lib o'tmoqda, hech kim ularni bekor qilish kerakligini aytmaydi. Muammo shundaki, 26 va 28 dekabr kunlari o'ynash mutlaqo mumkin emas, bu qandaydir hazil! 26 va 29 dekabr kunlari o'ynashda muammo yo'q, biz o'yinni keyingi yilga qoldirishni emas, o'yinlar 26 va 29 dekabr kunlari bo'lishini so'raymiz. Bilaman, Angliyada ular doim shunday o'ynashgan, ammo qarang, bu davrda hamma qancha jarohat olgan! Biz "Boxing day"da o'ynashni xohlaymiz, lekin ikki kun ichida ikkita o'yin noto'g'ri", - deya Kloppning so'zlarini keltiradi talkSPORT.

26 dekabr kuni "Liverpul" o'z maydonida "Lids"ga qarshi APL 19-tur uchrashuvini o'tkazadi. Ikki kundan so'ng, 28 dekabr kuni mersisaydliklar APLning 20-turi doirasida "Lester"ga qarshi safarda o'ynaydi.