Milinkovich-Savich MYuga o'tadimi? Futbolchi mish-mishlarga javob qaytardi

"Latsio" yarim himoyachisi Sergey Milinkovich-Savich "Manchester Yunayted"ga o'tishi mumkinligi haqidagi mish-mishlarni inkor qildi.

“Men haqimda ko'p mish-mishlarni ko'raman, lekin menga baribir! Men shunchaki “Latsio” bilan g'alaba qozonishini xohlayman”, — deb yozdi Milinkovich-Savich Instagram sahifasida.

2021/22 yilgi mavsumda yarim himoyachi "Latsio" tarkibida 24 ta o'yinda maydonga tushib, 5 ta gol va 6 ta golli uzatmani amalga oshirgan. Transfermarkt.com 26 yoshli serb futbolchini 70 million evroga baholamoqda. 22 dekabr kuni futbolchiga "Manchester Yunayted" va PSJ klublari qiziqish bildirayotgani haqida xabarlar tarqalgandi.