“Manchester Yunayted” qishda yarim himoyasini kuchaytirmoqchi

Angliyaning “Manchester Yunayted” jamoasi rahbariyati qishki transferlar vaqtida jamoani kuchaytirish ustida ish olib bormoqda.

Ma'lumotlarga ko'ra, klub bosh murabbiyi Ralf Rangnik “Leyptsig” klubi yarim himoyachisi  Amadu Xaydarani o'z jamoasi safida ko'rmoqchi. MYu yaqin orada transferni muhokama qilish uchun nemis klubi mutasadilari bilan uchrashadi.

Joriy mavsum 23 yoshli futbolchi jamoasi safida Bundesliganing 13 o'yinida ishtirok etib, 2 gol urishga erishdi.