Dzyudo. Bugun O'zbekiston chempionatining so'nggi kuni og'ir vaznlilar tatamiga chiqadi

Poytaxtimizdagi «Yunusobod» sport majmuasida yilning so'nggi dzyudo musobaqasi - kattalar o'rtasidagi O'zbekiston chempionati davom etmoqda.

Bugun musobaqaning so'nggi uchinchi kuni erkaklar -100, +100 kg, ayollar esa -78 va +78 kg vazn toifalarida tatamiga chiqadilar. Saralash bellashuvlari soat 10:00, final bahslari esa soat 17:00da boshlanadi.

Bugungi bellashuvlarda terma jamoa a'zolari Muzaffarbek, O'tkirbek va Sherxon To'raboevlar, Bekmurod Oltiboev, Alisher Yusupov, Shohruh Baxtiyorov, Irisxon Qurbonboeva singari dzyudochilarimizning chiqishiga guvoh bo'lamiz.