Tomas Tuxel buni tasdiqladi

"Chelsi" ustozi Tomas Tuxel jamoa futbolchisi Sesar Aspilikuetaning kelajagi haqida gapirdi. U futbolchini jamoada qolishini tasdiqladi:

"Men bu borada hech qanday muammo ko'rmayapman. Men, Aspi hamda klub o'rtasidagi munosabatlar juda ham oydin. U bizning sardorimiz. Uni bu erda qolishi va klub afsonasiga aylanishi uchun barcha sharoitlar bor. Umuman olganda, Sesar hozir ham jamoa afsonasi hisoblanadi. Agar oxirgi paytlarda maydonga tushmayotganiga keladigan bo'lsak, bunga etarlicha sabablar bor edi. Avvalo, unda jiddiy jarohat bor va bundan forig' bo'lib olishi lozim".

Eslatib o'tamiz, "Chelsi" bugun liga kubogi doirasida "Brentford"ga qarshi maydonga chiqadi.