Levandovski Chempionlar ligasi g'olibligiga da'vogar klublarni aytdi

«Bavariya» hujumchisi Robert Levandovski Evropa chempionlar ligasining joriy mavsumida g'oliblikka da'vogarlar haqida o'z fikrini bildirib o'tdi.

«Men uchun «Liverpul», «Manchester Siti», «PSJ», «Real», «Chelsi» va biz favorit hisoblanamiz. Pley-off bosqichining dastlabki o'yinlari fevral oyida bo'lib o'tadi. U vaqtgacha ko'p narsa o'zgarishi mumkin. Ammo ayni paytda mazkur 6 jamoa boshqalardan ustun ko'rinishmoqda», — dedi Levandovski.

Eslatib o'tamiz, "Bavariya" EChLning nimchorak final bosqichida «Zaltsburg» bilan to'qnash keladi.