Markaziy Osiyo terma jamoalari ishtirokida «Navro'z kubogi» tashkil etiladi

Markaziy Osiyo futbol assotsiatsiyasi (CAFA) tashkilotga a'zo mamlakatlar milliy jamoalari ishtirokida yangi musobaqa tashkil etish g'oyasini ma'qulladi.

Dushanbeda o'tkazilgan kongressda yangi turnirga "Navro'z kubogi" deb nom berildi. E'tiborli tomoni, ushbu taklif O'zbekiston futbol assotsiatsiyasi vitse-prezidenti Ravshan Ermatov tomonidan berildi. Musobaqa FIFA kunlarining birida o'tkazilishi rejalashtirilmoqda.

"Navro'z kubogi"da O'zbekiston, Eron, Afg'oniston, Tojikiston, Qirg'iziston va Turkmaniston terma jamoalari ishtirok etishadi.