Angliya Premer-ligasi to'xtatilishiga sal qoldi. Britaniyada koronavirus bilan vaziyat qanday?

Koronavirusning yangi shtammi “omikron” to'satdan epidemiologik jihatdan yaxshilanib borayotgan futbolga yana aralasha boshladi. Virus Evropada tomoshabinlar soniga cheklovlar, o'yinlarni kechiktirish va futbolchilarni izolyatsiyaga olinishiga sabab bo'lmoqda.Eng yomoni Premer-ligada bo'lib, deyarli har bir jamoada virus kasallangan o'yinchilar bor. Liga 15 yanvargacha to'xtaltilish variantni ko'rib chiqdi, ammo umumiy ovoz berishda klublar musobaqani davom ettirishga qaror qilishdi. 

Oxirgi 10 kun ichida Premer-liga birdaniga to'qqizta o'yinni bekor qildi. “Tottenxem”, “Byornli”, “Manchester Yunayted”, “Brentford”, “Uotford”, “Lester”, “Sautgempton”, “Kristal Pelas”, “Everton”, “Norvich” va “Vest Xem” kabi jamoalarning o'yini ortga surildi. Boshqalardan ko'ra ko'proq “Tottenxem” va “Byornli” jabr ko'rdi, ular koronavirus tufayli 18 turga kelib, atigi 15 ta o'yin o'tkazgan. Bekor qilingan o'yinlar qachon o'tkazilishi sanasi hozircha noma'lum.

 

Kasallik bilan bog'liq dahshatli vaziyat nafaqat chempionatdagi, balki evrokuboklarda ham o'z ta'sirini ko'rsatdi. “Shporlar” Konferentsiyalar ligasi pley-off bosqichidan chiqib ketdi, chunki ular “Renn”ga qarshi so'nggi o'yinda texnik mag'lubiyat oldilar. Londonliklar o'yinni keyinga qoldirishni so'rashdi, chunki ularning tarkibida deyarli sog'lom o'yinchilar yo'q edi.Lekin avvaliga frantsuz klubi, keyin esa UEFA rad javobini berishdi. Natijada, britaniyaliklar butun turnir favoriti hisoblangan bo'lsada, guruhda uchinchi o'rinni egalladi.

“Lester”“Napoli”ga qarshi Evropa Ligasi guruh bosqichining final bosqichiga chiqish uchun kurash olib bordi. Italiyaga jo'nab ketishdan oldin to'qqiz nafar angliyalik futbolchi “Omkronga o'xshash alomatlar” tufayli ro'yxtdan chiqarildi. Ular bilan birga klubning uch nafar xodimi Angliyada qolishdi. O'yindan oldin “Lester” UEFA o'yinni bekor qilmasligi uchun futbolchilarda koronavirus borligini tasdiqlamadi. Neapolga etib kelganidan so'ng, inglizlar mahalliy Sog'liqni saqlash vazirligi tomonidan kasallikka chalinganligi aytildi. Italiyaliklar futbolchilarni mamlakatdan chiqarib yuborish huquqiga ega edi. Shunga qaramay, o'yin bo'lib o'tdi, “tulkilar” qisqartirilgan tarkib bilan 2:3 hisobida mag'lub bo'lishdi.

Turg'unlik emlangan futbolchilar soni bilan bog'liq. Premer-liga emlangan futbolchilar reytingi bo'yicha top-ligalar orasida eng yomoni hisoblanadi: BBCatigi 68% ko'rsatkichni keltirgan, qolgan to'rt ligada esa kamida 90% baholangan. Korporatsiya hisob-kitoblariga ko'ra, eng yaxshisi A seriya bo'lib, u erda 98% o'yinchilar kasallikka qarshi emlangan.

 

Premer-ligada 25% futbolchi vaktsina olishdan bosh tortadi.

18-tur qo'rqinchli filmga o'xshardi, unda dunyo aholisi noma'lum virusdan aziyat chekmoqda. 10 o'yindan faqat to'rttasi bo'lib o'tdi, faqat shanba kungi bitta o'yin bekor qilinmadi. “Tottenxem” “Liverpul”ga qarshi o'yin uchun tarkib tuzishda qiynaldi, biroq yarim tarkib bilan ham chempionlik poygasining favoritlaridan birini anchagina qiynadi. “Shporlar” nafaqat Dele Alli va Harri Keynning qo'pol xatolari tufayli g'alabani qo'ldan chiqarishdi. O'yindan keyin Yurgen Klopp o'yin haqida o'z qikrlarini bildirib o'tdi:

“Biz o'yindan chetlatilgan futbolchi bilan bog'liq vaziyat va mashg'ulotlarning kamligidan kelib chiqib, tarkibida hech qanday o'zgarish bo'lmagan jamoaga qarshi o'ynadik. Ammo, Heyberg yo'qligidan tashqari, ular odatdagidek tarkib bilan o'ynadi. Bilasizmi, “Tottenxem”da 13 ta infektsiyaga chalingan o'yinchi bor. Menimcha, stadionda dezinfektsiyalash vositasi bo'lishi kerak”, - deydi Klopp.

Yurgen futbolchilarni emlash tarafdori. Emalnishni murabbiy deyarli ikki yildan beri davom etayotgan pandemiyadan yagona najot deb biladi. Nemis doimiy ravishda avj olishi va kasal odamlarning ko'payishi tufayli futbol katta zarar ko'rishidan charchaganligini aytdi.

“Axloqiy nuqtai nazardan, bu har bir inson uchun majburiy bo'lishi kerak. Bu ishonch masalasi. Agar men biror narsa qilsam va u boshqalarga yordam bersa, bu men uchun majburiydir. Ammo ba'zi odamlar buni boshqacha ko'rishlari aniq. Angliyada emlash holati, masalan, Germaniyaga qaraganda ancha yaxshi”, - dedi Klopp.

Murabbiy hattoki, endi “Liverpul” faqat emlangan futbolchilar bilan shartnoma imzolashini tan oldi. Emlangan o'yinchilar - xavflisiz. Emlanmagan futbolchi hamma uchun muammo. Uning yuqtirish xavfi boshqalarnikiga qaraganda yuqori va u jamoada kasallik avj olishini qo'zg'atishi mumkin. Bundan tashqari, yana bir muammo, kasallikka chalinganlar uchun alohida ovqat xonasi va echinish xonasi qurish kerak bo'ladi.

“Ha, emlanish futbolga katta yordam beradi. Keling, vaziyatimizni olaylik. Agar futbolchi umuman emlanmagan bo'lsa, u hamma uchun xavf tug'diradi”, - deb qo'shimcha qilgan Yurgen.

Premer-ligada vaktsinaning birinchi komponentini olish bo'yicha 84% ga erishildi, ammo hali ham to'liq emlanmagan o'yinchilar ko'p. O'tgan haftaning o'zida ligada 90 ta ijobiy test natijasi qayd etildi. Kasallanishlar ham o'yinchilar, ham xodimlar orasida kuzatilgan. Oxirgi etti kun ichida Premer-ligada 12 345 ta test o'tkazildi.

Bemorlar bilan bog'liq qiyin vaziyatga qaramay, liga yangi yil bayramlarida to'xtatilmaydi. Klublar chempionatning davom etishi uchun ovoz berishdi, chunki ularning har birida o'yin uchun ariza topshirish uchun 13 nafar sog'lom futbolchi bor.

“Liga iloji boricha hozirgi jadvalga amal qilmoqchi. Shu bilan birga, barcha ishtirokchilarning salomatligi va farovonligi bizning ustuvor vazifamiz bo'lib qolmoqda. Premer-liga sog'liqni saqlash tizimining tavsiyalarini kuzatish va har doim ehtiyotkorlik bilan harakat qiladi. Liga klublar yoki jismoniy shaxslar haqida hech qanday aniq ma'lumot bermaydi va futbolchilar o'rtasidagi emlash darajasi endi yanvar oyidan boshlab har oyning oxirida ommaviy ravishda e'lon qilinadi”, - deyiladi Premer-liga bayonotida.

Bu shuni anglatadiki, “Boxing day” bu yil ham qoldirilmaydi.

 

Jamshidjon Mahmudov tayyorladi

Manba: stadion.uz