Kim? Qaerga? Qachon? “Atletiko” qishki transferlari haqida

Joriy Ispaniya chempionatini “Atletiko” uchun biroz omadsiz kechmoqda. Madrid klubi 17-turdan so'ng 29 ochko jamg'arib, La Liga turnir jadvalida 5-o'rinda ketmoqda. Shuningdek, Diego Simeone boshchiligidagi jamoa chempionatning so'nggi 3 turini juda omadsiz o'tkazmoqda va “matraschilar” ketma-ket 3 uchrashuvdan beri mag'lubiyatga uchramoqda. Vaziyat yomon! Simeone atrofida iste'fo haqida mish-mishlar ko'paymoqda. Madrid klubi tarkibni kuchaytirish talab qilinadi, aks holda bu ayanchli tugashi mumkin. Shu sabab hozir biz sizlargan “Atletiko”ning qishda amalga oshirishi mumkin bo'lgan ehtimoliy transferlari haqida biroz ma'lumot berishga qaror qildik

Antoni Marsyal, transfer ehtimoli – past

“Manchester Yunayted” hujumchisi qishda “Atletiko”ga o'tishi mumkin. Uning agenti frantsiyalik futbolchi yanvarda jamoani tark etish niyatida ekanligini, Antonining o'zi ham etarlicha o'yin amaliyotiga ega emasligidan norozi. Shuningdek, hujumchi xizmatiga “Yuventus” ham qiziqayotgani, Turin klubi o'z futbolchilaridan birini Antoniga almashtirishi mumkinligini aytdi. Transfermarkt futbolchini 35 million evroga baholamoqda.

Transfer ehtimoli ancha past, chunki bu haqda faqat bitta manba xabar bergan, ammo “Atletiko”ning o'ziga hujumchi kerak emas, Mateus Kunya o'z vazifasini muvaffaqiyatli bajarmoqda. Marsyalning statistik ma'lumotlari ham juda yomon, shu sabab Antoni xaridi mavsumning ikkinchi yarmida Madrid klubiga foydali bo'lishi dargumon.

Sezar Aspilikueta, transfer ehtimoli – o'rta

“The Guardian” va “Eurosport” nashrlari xabariga ko'ra, “Atletiko” ispaniyalik futbolchini o'z safiga qo'shib olishdan manfaatdor, ular Sezarni yozda erkin agent sifatida yoki yanvarda kichik summa evaziga olmoqchi. “Chelsi” yozda uning transferidan pul olish uchun himoyachi bilan shartnomani yana bir yilga uzaytirmoqchi. Sezar bir necha kun oldin “Atletiko” bilan aloqada bo'lgan, ammo transfer bo'yicha hech qanday muzokaralar bo'lmagan. Shuningdek, “Chelsi”ning “Barselona” himoyachisini sotib olishi mumkinligi haqida xabarlar ham bor.

“Matraschilar” bu nomzodga juda qiziqmoqda, chunki bu qishda Kiran Triper klubni tark etishi mumkin, shuning uchun zudlik bilan ingliz himoyachisi o'rniga o'rinbosar qidirilmoqda. Ispaniyalik futbolchining o'zi hozircha uning transferi haqidagi mish-mishlarga izoh bermadi, faqat “Chelsi”da baxtli ekanini aytdi.

Zeki Chelik, transfer ehtimoli – yuqori

“Manchester Yunayted”ning Triperga bo'lgan qiziqishi tufayli turk bu yozda “Atletiko”ga o'tishi mumkin edi, ammo ingliz futbolchisi klubda qoldi, Shime Vrsalko ham tuzalib ketdi, shuning uchun o'ng qanot himoyachisiga ehtiyoj qolmadi. Endi Kiran “Nyukasl”ga o'tishga yaqin turibdi, bu esa madridliklarning ushbu pozitsiyaga futbolchi qidirishiga sabab bo'ladi. “Lill” moliyaviy muammolar tufayli Zeki bilan xayrlashmoqchi, “Atletiko” esa uni qishda 10 million evroga sotib olmoqchi, deya xabar beradi AS.

Chelikning agenti Fozil O'zdemir ma'lumotni tasdiqladi: “Haqiqatan ham, “Atletiko” Zeki Chelikga qiziqish bildirmoqda, takliflar bor. Biz ularni ko'rib chiqamiz”.

Kepa Arrisabalaga, transfer ehtimoli — past

Kepa Ispaniyaga qaytib, faoliyatini qaytadan boshlashi mumkin, deya xabar beradi "Radio Marca”.

Manbaga ko'ra, Arrisabalaga agenti noyabr oyida London klubi darvozabonini sotib olishga qiziqish bildirayotgan “Atletiko” bilan shartnomasi tafsilotlarini aniqlash uchun Madridga uchib ketgan.

Manbaga ko'ra, “Chelsi” Kepa Arrisabalani 30 million evro evaziga “Atletiko”ga qo'yib yuborishga tayyor, bundan tashqari, “aristokratlar” futbolchining keyingi sotuvidan qanchadir summa foizga ega bo'ladi.

“Atletiko” qishda amalga oshirishi mumkin bo'lgan sotuvlar

Kiran Triper, ehtimoliy sotuv - yuqori

Bu yozda “Manchester Yunayted” qiziqish bildirganiga qaramay, ingliz Madridda qoldi, ammo hozir shayx tomonidan sotib olingan “Nyukasl” Triper uchun kurashda peshqadamlik qilmoqda, “Atletiko” 31 yoshli futbolchi uchun taxminan 20 million funt sterlingga rozi. Kiran o'rniga yuqorida tilga olingan Zeki Chelik misolida o'rinbosar topilgan, shu bois “matraschilar” futbolchini yozda MYudan so'raganidan ham pastroq narxni sotishga tayyor.

“TalkSPORT” nashri xabariga ko'ra, “qarg'alar” rahbariyati Kiranga jamoadagi barcha futbolchilari orasida eng yuqori maoshni taklif qilishga tayyor. Futbolchining o'zi ham Angliyaga qaytishga qarshi emas.

Joau Feliks, ehtimoliy sotuv — past

Joau haqida ko'p mish-mishlar yo'q, lekin portugaliyalikka asosan ingliz klublaridan qiziqish bildirmoqda. “Todofichajes” nashri xabariga ko'ra, “Liverpul” Joauni qishda sotib olishdan manfaatdor, shuningdek, yana ikkita klub – “Nyukasl” va “Arsenal”dan ham qiziqish bor, ularning barchasi Feliksning transferi bo'yicha so'rov bilan chiqishgan. “Sedana CER” nashri ma'lumotlariga ko'ra, eng foydali taklif “qarg'alar” rahbariyati tomonidan berilgan, ammo hujumchining o'ziga bu variant yoqmaydi.

Diego Simeone qishda Feliks transferini rad etdi, Feliksning o'zi ham klubda qolib, jamoa bilan ko'plab sovrinlar yutishni xohlaydi.

Jamshidjon Mahmudov tarjimasi.