Zidanning sobiq yordamchisi: «Mbappe «Real»da o'ynashi kerak»

"Real" klubi sobiq bosh murabbiyi Zayniddin Zidanning yordamchisi Davide Bettoni "PSJ" hujumchisi Kilian Mbappe "Qirollik klubi"ga o'tishi mumkinligi haqidagi xabarlarga o'z munosabatini bildirdi.

"Agar "Real" Mbappe bilan shartnoma imzolasa, yaxshi ish bo'lardi. Kilian hamisha "Real"da o'ynash orzusi borligini aytib kelgan. Vinisius - Benzema - Mbappe hujum uchligi — bu orzu. Mbappe 2-3 yildan buyon futbol cho'qqisida. U, Xoland va Vinisius — kelajakning top-o'yinchilari. Bunday futbolchilar esa "Real"da o'ynash kerak", — dedi Bettoni.

23 yoshli futbolchi 2022 yilning yozida erkin agent sifatida "qaymoqranglilar" safiga o'tishi kutilmoqda. Joriy mavsumda Mbappe "PSJ" safida barcha musobaqalar doirasida 24ta o'yinda ishtirok etib, 15ta gol va 15ta assist muallifiga aylandi.