APLda bir haftada 90 kishida koronavirus aniqlandi

Angliya premer-ligasi tomonidan so'nggi marta o'tkazilgan testlar natijasida 90 kishi koronavirusga chalingani aniqlandi. Bu haqda liga rasmiy sayti xabar tarqatdi.

APL so'nggi haftada tekshiruvlar sonini keskin oshirgan. 13 dekabrdan 19 dekabrgacha bo'lgan vaqt oralig'ida 12345 marta COVID-19ga test olingan. Ulardan 90 tasi musbat natija bergan. Bu esa pandemiya boshlanganidan buyon antirekord hisoblanadi.

APL klublari kecha o'tkazilgan yig'ilishda chempionat o'yinlarini to'xtatmaslikka qaror qilishdi.