Xavi: "Agar "Sevilya"ni mag'lub etsak, "Atletiko"ni ortda qoldiramiz"

Kataloniyaning «Barselona» klubi bosh murabbiyi Xavi La Liga doirasida «Sevilya»ga qarshi bo'lib o'tadigan uchrashuv haqidagi fikrlari bilan o'rtoqlashdi. 4-turning qoldirilgan uchrashuvi 21 dekabrdan 22 dekabrga o'tar kechasi Toshkent vaqti bilan soat 01:30da boshlanadi.

«Sevilya» chempion bo'lishga tayyor. Ular o'tgan mavsumni deyarli yutishgandi. Agar ular g'alaba qozonishsa, peshqadam sariga 3 ochkolik qadam tashlashgan bo'ladi. Ular o'zlari ishtirok etayotgan barcha turnirlarda g'oliblikka asosiy davogar sanalishadi.

Bizda EChLda ishtirok etish uchun ajoyib imkoniyat bor. Biz La Ligada 15 ochko jamg'arishimiz kerak bo'lgan o'yinlarda 10 ochko ishladik, bu yomon natija emas.  Agar «Sevilya» ustidan g'alaba qozonadigan bo'lsak, u holda «Atletiko»ni ortda qoldirishga va kuchli to'rtlik uchun kurash olib borishimizga imkon yaratadi», — dedi Xavi Marca nashriga.