"Sevilya" ustozi: "Barselona" bilan raqobatlashish biz uchun orzu"

Ispaniyaning "Sevilya" klubi bosh murabbiyi Yulen Lopetegi "Barselona"ga qarshi bo'lib o'tadigan uchrashuv haqidagi fikrlari bilan o'rtoqlashdi.

- "Atletiko"ga qarshi o'yindan keyin bizni yanada qiyinroq bahs kutib turibdi. Biz "Barselona"ning so'nggi vaqtlardagi eng yaxshi versiyalaridan biriga qarshi o'ynaymiz. Ular tarkibida juda yaxshi yosh futbolchilar bor, qolaversa, ularni Xavi kabi iqtidor boshqarmoqda. "Barselona" - biz raqobat qilishni orzu qiladigan juda kuchli jamoa. Nima yuz berishini kuzatamiz, - Lopetegining so'zlaridan iqtibos keltirmoqda Mundo Deportivo.