Toshkentda qilichbozlik bo'yicha O'zbekiston ochiq kubogi start oldi

Bugun, 19 dekabr kuni Toshkent shahridagi qilichbozlik majmuasida kadetlar o'rtasida O'zbekiston ochiq kubogi boshlandi.

Musobaqada Respublikamizning turli hududlaridan, shuningdek Qozog'iston Respublikasidan 300 nafarga yaqin (o'g'il bolalar va qizlar) yosh qilichbozlar sovrinli o'rinlar uchun kurash olib bormoqdalar. Bahslar 2002 va undan keyin tavallud topgan sportchilar o'rtasida o'tkazilmoqda.

Turnir 24 dekabrga qadar davom etadi:

19 dekabr: shpaga, yakkalik
20 dekabr: shpaga, jamoaviy
21 dekabr: rapira, yakkalik
22 dekabr: rapira, jamoaviy
23 dekabr: sablya, yakkalik
24 dekabr: sablya, jamoaviy.

Qayd etish lozimki, musobaqada mahalliy hakamlardan tashqari Xalqaro qilichbozlik federatsiyasi hakamlar komissiyasi a'zosi Irina Knish ham faoliyat olib boradi.

Musobaqada qayd etiladigan natijalar bilan Milliy olimpiya qo'mitasining rasmiy sayti orqali tanishishingiz mumkin bo'ladi.