"Fiorentina" "Arsenal" futbolchisini sotib olishi mumkin

Huquqiy jihatdan Londonning "Arsenal" klubiga tegishli bo'lgan, ayni paytda ijara asosida Italiyaning «Fiorentina» jamoasida to'p surayotgan yarim himoyachi Lukas Torreyra to'laqonli ravishda florentsiyaliklar a'zosiga aylanishi mumkin.

«Fiorentina» klubi shartnomada keltirilgan shartdan foydalanib, futbolchining transferini to'laqonli ravishda sotib olmoqchi. Florentsiyaliklar urugvaylik futbolchi uchun 2026 yilgacha shartnoma tayyorlab qo'ydi.

Joriy mavsum Torreyra A Seriyada 15 ta uchrashuvda maydonga tushib, bitta gol kiritdi va bitta golga assostentlik qildi.