"Manchester Siti" A Seriyadan markaziy hujumchi topdi

Aftidan Angliyaning «Manchester Siti» klubi o'ziga markaziy hujumchi topdi.

Todofichajes nashrining tarqatgan ma'lumotiga qaraganda, «shaharliklar» bosh murabbiyi Xosep Gvardiola «Fiorentina»ning serbiyalik hujumchisi Dushan Vlaxovichni o'z jamoasiga olib kelmoqchi. Vlaxovich ayni paytda Italiya A Seriyasining to'purari bo'lib turibdi.

21 yoshli futbolchiga talablar ortib bormoqda. «Manchester Siti»dan tashqari, serbiyalik hujumchiga «PSJ», «Yuventus», «Milan», «Tottenxem», «Manchester Yunayted», «Arsenal» va «Nyukasl» klublari ham qiziqish bildirishmoqda.

Avvalroq, «Fiorentina» Dushanni 100 million evrodan kam bo'lmagan mablag' evaziga qo'yib yuborishi mumkinligini bildirgandi.