Tezkor! Igor Sergeev Rossiya chempionatida o'ynashi mumkin

Qozog'istonning “Tobol” klubi va O'zbekiston terma jamoasi hujumchisi Igor Sergeev Rossiya chempionatiga o'tishi mumkin.

28 yoshli legionerimizga RPLning “Ximki” klubi qiziqish bildirmoqda. Futbolchining transfer qiymati 1,7 million evroga baholanmoqda.

Eslatib o'tamiz, joriy mavsum Sergeev "Tobol" bilan Qozog'iston Premer-ligasi chempionligini qo'lga kiritdi. Shuningdek, Igor O'zbekistonning “Paxtakor”, Xitoyning «Beyjing Goan», BAAning “Al-Zafra” va Qozog'istonning “Aktobe” klublarida to'p surgan. O'zbekiston chempionatining eng yaxshi to'purari (2015). Igor hisobida O'zbekiston terma jamoasi safidagi 58 o'yinda 15 gol bor.