Afrika Millatlar kubogi jiddiy karantin qoidalariga amal qilgan holda o'tkaziladi

Afrika Millatlar kubogi musobaqasi uchun ayrim qoidalar joriy etiladi. Juma kuni bo'lib o'tgan yig'ilishda Afrika futbol konfederatsiyasi mutasaddilari ishtirok etishdi.

Unda qit'a chempionatini stadiondan turib tomosha qilish uchun ishqibozlar to'liq emlangan bo'lishi kerakligi aytildi. Shunday qilib 9 yanvarda start oladigan musobaqa uchun faqatgina to'la emlangan va negativ test natijasiga ega bo'lgan muxlislargina stadionga kiritiladigan bo'ldi.

Ushbu hodisa aslida 2021 yilda bo'lib o'tishi kerak edi. Ammo pandemiya sabab bir yilga qoldirilgan. Chempionat 9 yanvar kuni mezbon Kamerun hamda Burkina Faso o'rtasidagi bahs bilan boshlanishi belgilangan.