Moldaviya ustozi Frantsiyadan uchralgan mag'lubiyat haqida: "Jiguli" "Ferrari"ni ortda qoldira olmaydi"

Moldaviya terma jamoasi ustozi Aleksandr Spiridon Frantsiyadan uchralgan mag'lubiyat (1:4) haqida gapirdi.

«Bu erda ruhiy faktorlar ustunlik qildi, deb o'ylamayman. Biz o'zimizga nisbatan ancha kuchli jamoaga qarshi to'p surdik. Bizda muammolar ham etarlicha edi, Gatskan va Epuryanning o'rnini to'ldirib bo'lmaydi. Moldaviya termasi juda yomon o'ynadi. Muammo shundaki, "Jiguli" "Ferrari"ni ortda qoldira olmaydi. Raqib bilan bizni shunday taqqoslash mumkin. Frantsiya va Moldaviya terma jamoalari orasidagi farqni yo'qqa chiqarishning iloji yo'q. Men Chempionlar ligasida juda kuchli klublarga duch kelganman, ammo o'shanda ham bunchalik farq bo'lmagan. O'ylashimcha, biz juda yomon futbol o'ynayapmiz agar buni futbol deb atash mumkin bo'lsa», — dedi Spiridon.