"Lester Siti" klubi ikkita futbolchisiga yangi shartnoma taqdim etadi

"Lester Siti" ikki futbolchisiga yangi shartnomalar taqdim etadi. Telegraph nashri xabariga ko'ra, klub rahbariyati himoyachilar Jeyms Jastin hamda Uesley Fofanaga yangi bitim taklif etadi.

Har ikki futbolchi jarohat sabab asosiy jamoada emasdi. Jumladan Jastin tizzasidagi muammo bilan joriy yilning fevral oyidan beri maydonga tushmagan.

Fofana esa mavsum oldidan o'tkazilgan o'rtoqlik bahslarida oyog'ini sindirib olgandi. Shunga qaramay 21 yoshli himoyachi xizmatlariga "Chelsi" qiziqish bildirmoqda.