«Everton» Ukrainadan futbolchi xarid qiladi

Kievning «Dinamo» klubi bosh murabbiyi Mircha Luchesku futbolchilaridan biri «Everton»ga o'tishini ma'lum qildi.

«U «Everton»ga o'tdi. Bu «Dinamo»ning Yarmolenkodan keyingi birinchi yirik transferi. U yosh futbolchi, boshqalarga o'rnak bo'ladi.

Natijalardan tashqari, futbolchilarga ma'lum kareraga ega bo'lish imkoniyatini berish juda muhim», - deydi Luchesku Telecom Sport nashriga bergan intervyusida. U futbolchining ismini oshkor etmadi.

Avvalroq OAVda ingliz klubi 22 yoshli himoyachi Vitaliy Mikolenkoga qiziqish bildirayotgani haqida xabarlar tarqalgan edi. Uning transfer summasi 23 million evroga baholanmoqda.