Akbar Jo'raev bir yilda ham Olimpiada, ham jahon chempioni bo'lgan ilk o'zbekistonlikka aylandi

Toshkentda o'tkazilayotgan og'ir atletika bo'yicha jahon chempionatida -109 kg vazn toifasida Tokio-2020 Olimpiadasi g'olibi Akbar Jo'raev o'z vaznida mutlaq jahon chempionligini qo'lga kiritdi.

Akbar dast ko'tarishda 195 kg, siltab ko'tarishda 238 kg, umumiy hisobda 433 kg bilan barcha yo'nalishda oltin medalni qo'lga kiritdi.

Yana bir hamyurtimiz Ruslan Nuriddinov umumiy hisobda 421 kg bilan kumush medalni qo'lga kiritdi.