"Liverpul" hujumchilari o'rnini to'ldira oladimi? Klopp javob berdi

Yurgan Klopp Sadio Mane hamda Muhammad Saloh o'rniga yangi futbolchilar sotib olishni reja qilmagan. Bu haqida mutaxassisning o'zi "Nyukasl"ga qarshi bahs oldidan aytib o'tdi:

"Biz futbolchilarimizdan uchtasi boshqa turnir uchun jamoada ma'lum vaqt bo'la olmasligini bilar edik. Ulardan ikkita esa biz uchun juda muhim futbolchilar. Ularni o'rnini bosadigan futbolchilarga keladigan bo'lsak, bu juda murakkab narsa. Imkonsiz desak ham bo'ladi. Ammo men jamoa a'zolaridan xursandman va bizda hozirni o'zidayoq hujum uchun variantlar mavjud. Biz masalaga echim topa olamiz".

Bugun tunda "Liverpul" o'z maydonida "Nyukasl"ni qabul qiladi.