Igor Sergeev “Transfermarkt” portalining Qozog'iston Premer-ligasiga atalgan ramziy terma jamoasidan joy oldi (foto)

“Transfermarkt” portali Qozog'iston Premer-ligasida 2021 yilgi mavsum ramziy jamoasini taqdim etdi.

Qozog'istonning “Prosports.kz” sayti bilan birgalikda mavsumning eng yaxshi futbolchisi va murabbiyini aniqlandi. E'tiborli tomoni, ushbu ramziy terma jamoadan O'zbekiston terma jamoasi va “Tobol” klubi hujumchisi Igor Sergeev ham joy oldi. Legionermiz o'tgan mavsum Premer-liganing ikkita – “Aktobe” va “Tobol” klublari sharafini himoya qildi. Sergeev ushbu jamoalar tarkibida jami 38 uchrashuvda maydonga tushib, 17 gol va 2 ta golli uzatma muallifiga aylangan.