APL klublari Afrika Millatlar Kubogiga boykot e'lon qilmoqchi

Afrika Millatlar Kubogi 9 yanvardan 6 fevralgacha Kamerunda bo'lib o'tishi rejalashtirilgan edi. Ammo hozirgi Covid-19 holati, shu jumladan, Omicron variantining keng tarqalayotgani – musobaqaning uchinchi marta qoldirilishiga sabab bo'lishi mumkin.

Evropa Klublari Assotsiatsiyasi yaqinda bo'lib o'tgan Boshqaruv Kengashi yig'ilishidan so'ng, Afrika Futbol Konfederatsiyasi va FIFAga futbolchilar sog'ligi va xavfsizligi bo'yicha xavotirlari yuzasidan ariza yozdi.

Shuningdek, yuqoridagi tashkilotlar jamoalarga, agar ba'zi printsiplarga rioya qilinmasa, o'z o'yinchilarini klub bazasidan qo'yib yubormasligini taklif qildi.