Mourino "Barselona" futbolchisini nishonga oldi

Kataloniyaning “Barselona” klubi qanot himoyachisi Serjino Dest faoliyatini Italiya chempionatida davom ettirish imkoniyatiga ega.

ESPN xabariga ko'ra, "Roma" amerikalik legionerni o'z safiga qo'shib olmoqchi. Rimliklar ustozi Joze Mourinoning shaxsan o'zi 21 yoshli futbolchining transferini talab qilmoqda.

Dest yanvardagi transfer oynasida xayrlashishga tayyor bo'lgan futbolchilar ro'yxatiga kiritilgan.

Dest o'tgan yili "Barselona"ga kelib qo'shilgan va 2025 yilning yoziga qadar shartnoma imzolagandi.

Joriy mavsumda Serjino La Ligada 12 ta o'yin o'tkazib, 3 ta golli uzatmani amalga oshirdi.