«Metallurg» 2 ta xorij yig'ini tashkil etadi

Jamoalar yaqin vaqt ichida yangi mavsum tayyorgarliklarini boshlashadi. 

Aksariyat jamoalar Yangi yil bayramidan oldin ham o'z qarorgohida yig'in o'tkazishni rejalashtirmoqda. 

Ortda qolgan mavsumni ancha barqaror ravishda o'tkazgan Bekobodning “Metallurg” jamoasi 24-29 dekabr kunlari Qibrayda mashg'ulotlar olib boradi.  So'ngra futbolchilarga qisqa muddatli dam beriladi.  

Andrey Shipilov shogirdlari 10-24 yanvar kunlari ilk xorij yig'ini tashkil etishni rejalashtirgan.  Jamoa dastlabki xorij o'quv-mashg'ulot yig'inini Ukrainada o'tkazadi.  Chetdagi ikkinchi yig'in esa 1-14 fevral kunlari Turkiyada bo'lib o'tadi.