Osiyo kubogi-2023 saralash bosqichiga qur'a tashlanadigan sana e'lon qilindi

OFK 2023 yil Xitoyda bo'lib o'tadigan Osiyo kubogi saralash bosqichining qur'a tashlash marosimi vaqtlarini ma'lum qildi. Unga ko'ra, 2022 yilning 24 fevral kuni soat 12:00 da Kuala Lumpurdagi OFK qarorgohida qur'a tashlash marosimi onlayn tarzda o'tkaziladi.

Ma'lumot o'rnida, O'zbekiston milliy terma jamoasi Bahrayn, Iordaniya, Qirg'iziston, Falastin va Hindiston bilan birgalikda 1-savatchadan joy olgan.

Saralash bahslari 2022 yilning iyun oyida markaziy tarzda o'tkaziladi. Guruh bahslari faqat bitta o'yindan iborat bo'lib, jamoalar ushbu bosqichda 8, 11 va 14 iyun kunlari 3 ta o'yin o'tkazishadi.

Qur'a natijasida 24ta terma jamoa 4tadan 6ta guruhga taqsimlanadi. Guruh g'oliblari va ikkinchi o'rinni egallagan orasida eng yaxshi ko'rsatkichga ega bo'lgan 5ta jamoa Osiyo chempionati yo'llanmasiga ega bo'ladi.

Eslatib o'tamiz, Osiyo kubogi musobaqasi 2023 yilning 16 iyunidan 16 iyuliga qadar Xitoy mamlakatida o'tkaziladi.