Premer-ligada bir hafta ichida 42ta yangi koronavirus holati aniqlandi

Angliya premer-ligasi koronavirus kasalligi bilan bog'liq yangi ma'lumotlarni e'lon qildi. Unga ko'ra, o'tgan haftada ligadagi jamoa a'zolaridan 42 nafarida infektsiya aniqlangan, deya xabar beradi "Sky Sports" telekanali.

Bu 2020 yilning may oyidan buyon qayd etilgan eng yuqori ko'rsatkichdir.

Avvalroq, "Tottenxem", "Manchester Yunayted" va "Aston Villa" kabi jamoalarning bir necha futbolchilarida COVID-19 aniqlangani haqida xabar berilgan edi.