«Milan» Kesseni sotib yubormoqchi

«Milan» klubi yarimhimoyachi Frank Kesse bilan xayrlashishni rejalashtirmoqda.

22 yoshli ivuarlik futbolchi «Inter»ga (2:3) qarshi o'yin paytida zaxiraga olinganida, jamoadoshi Lukas Bigliya bilan janjallashib qolgan edi. Shundan so'ng, rahbariyat uni sotib yuborishga qaror qilgan. 

«Rossoneri» Kesse transferidan 40 million evro ishlab olmoqchi. Avvalroq, uning xizmatiga «Tottenhem» va «Arsenal» klublari qiziqish bildirgan edi.

Joriy mavsumda Kesse «Milan» tarkibida barcha musobaqalarda 34ta o'yin o'tkazib, 4ta gol urgan va 2ta golga hammualliflik qilgan.