Ibrahimovich: «Zo'rligimni isbotlash uchun «Oltin to'p»ni qo'lga kiritishim shart emas»

«Milan» hujumchisi Zlatan Ibrahimovich «Oltin to'p» sovriniga muhtoj emasligini aytib o'tdi.

«Uzoq yillardan beri futbol o'ynayotganimning siri nimada? Bu mentalitet. Men qanday o'ynasam, shunday shug'ullanaman. Har bir kun — men uchun final. "Milan"ga ikkinchi marta qaytganimda men uchun qiyin bo'lgandi, ammo biz jamoa tuza oldik. Ajoyib muhitni yuzaga keltirdik.

«Oltin to'p» — a'lo darajadagi sovrin, ammo zo'rligimni isbotlash uchun uni qo'lga kiritishim shart emas», — dedi Ibrahimovich.

40 yoshli Ibrahimovich joriy mavsumda A seriya doirasida 10ta o'yinda maydonga tushib, 7ta gol urdi va 2ta golga assistentlik qildi.

Manba: championat.com