Mikel Arteta Obameyangdan sardorlikni olib qo'yish haqida gapirishdan bosh tortdi

"Arsenal" klubi bosh murabbiyi Mikel Arteta jamoa sardori Obameyangning holati haqida fikr bildirdi. U "Sautgempton"ga qarshi g'alabadan so'ng shunday deydi:

"Bu narsa bugundan boshlandi. Uning jamoa sardori bo'lib qolishi haqida hech narsa ayta olmayman. Keling, yaxshisi o'yin haqida gaplashamiz. Men o'z fikrimni bildirdim va bundan ortiq narsa aytmoqchi emasman. Mening asosiy e'tiborim jamoaning maydondagi harakatlariga qaratilgan. Uning yo'qligi oldin ham aytagnimdek, tartib-intizom sababli. Jamoa g'alabasidan xursandman. Biz endi "Vest Xem"ga qarshi jiddiy o'yinga tayyorgarlik ko'ramiz".

Eslatib o'tamiz, "Arsenal"ning keyingi bahsi 15 dekabr kuni bo'lib o'tadi.