O'zbekistonning eng qimmat ikki nafar legioneri “Navbahor”da
/ Kiritdi: BestMaster Ko'rilgan: 131
Xabaringiz bor, biroz oldin jamoamiz serbiyalik 29 yoshli tajribali yarim himoyachi Yovan Jokich bilan shartnoma imzoladi.
Ta'kidlash joizki, Germaniyaning mashhur Transfermarkt sayti talqiniga ko'ra, Jokich O'zbekiston Coca Cola Superligasidagi eng qimmat legioner hisoblanadi. Sayt ijodkorlarining talqiniga ko'ra, Yovanning transfer narxi 750 ming evroni tashkil etadi.
E'tiborlisi, Transfermarktning Superligamizdagi eng qimmat xorijlik futbolchilari ro'yxatida 2-o'rinni “lochinlar”ning tojikistonlik 22 yoshli mahoratli yarim himoyachisi Ehsoni Panshanbe egallab turibdi – 600 ming evro.
Uchinchi o'rinda esa Coca Cola Superligada so'nggi 3 yildan buyon to'purarlikni hech kimga bermay kelayotgan “Paxtakor”ning serbiyalik 34 yoshli hujumkor yarim himoyachisi Dragan Cheran bormoqda – 550 ming evro.
Demak, yangi mavsumda “lochinlar” tarkibida Superliganing eng qimmat 2 nafar legioneri o'ynaydi.
“Navbahor” PFK matbuot xizmati.
Bosh sahifaga
360