Italiya klublari "Penyarol" futbolchisiga da'vogarlik qilmoqda

"Penyarol" hujumchisi Agustin Alvares Italiyaning bir qator klublari qiziqish doirasiga tushib qoldi. Nikolo Skiraning so'zlariga ko'ra, 20 yoshli urugvaylik futbolchiga "Inter", "Milan" va "Fiorentina" da'vogarlik qilmoqda.

Alvares "Penyarol" tarbiyalanuvchisi bo'lib, jamoa safida 70 o'yinda maydonga tushib, 33 gol va 9 golga assistentlik qilgan. Shuningdek, hujumchi Urugvay terma jamoasi safida 4 ta o'yinda 1 ta gol urdi. Transfermarkt.com portali futbolchining narxini 4,5 million evroga baholamoqda.