"Myunxengladbax" o'z futbolchisini sotishga tayyor

Bundesliga jamoasi "Myunxengladbax" o'z futbolchisini ortiq ushlab o'tirmoqchi emas. Xabarlarga ko'ra, klub qishda Denis Zakaria uchun takliflarni eshitishga tayyor bo'ladi.

Jamoa sport direkori Maks Eberl bu haqida shunday degan edi: "Agarda Zakaria yoki klubdagi istalgan futbolchi ketish niyatida bo'lsa, bizga bu haqida aytsin. Biz esa uning masalasini ijobiy hal qilamiz. Jamoadan ketishni istayotgan futbolchi bilan kurashish foydasiz. Bunday qilmagan ma'qul".

Ta'kidlanishicha, "Liverpul" ushbu futbolchi uchun eng katta da'vogar. U uchun mersisaydliklar 12 million evro taklif qiladi.