Obameyang "Arsenal"ning navbatdagi o'yinida ishtirok etmasligi mumkin

"Arsenal" hujumchisi Per-Emerik Obameyang APL 16-turi doirasidan o'rin olgan "Sautgempton"ga qarshi o'yinni o'tkazib yuborishi mumkin, deb xabar beradi "Goal" portali.

Ma'lumotlarga ko'ra, 32 yoshli gabonlik "kanonirlar"ning juma kungi mashg'ulotlarini o'tkazib yuborgan va klub bazasida ko'rinmagan.

2021/22 yilgi mavsumda Obameyang "Arsenal" safida 15 ta o'yinda maydonga tushib, 7 ta gol va 2 ta golli uzatmaga mualliflik qilgan.

Eslatib o'tamiz, "Arsenal" - "Sautgempton" uchrashuvi bugun, 11 dekabr, Toshkent vaqti bilan 20:00 da start oladi.