Bugun o'yin uchun "Arsenal" futbolchilar ahvoli yuzasidan ma'lumot berildi

"Arsenal" klubi "Sautgempton"ga qarshi bahs oldidan o'z futbolchilarining ahvoli haqida ma'lumot berdi. Unga ko'ra, jamoada bir nechta yo'qotishlar mavjud.

Jumladan, Himoyachi Seyad Kolashinats noyabr oyida terma jamoada olgan jarohatidan keyin hali mashg'ulotlarga qaytmagan. Uning qaytishi yanvar oyiga mo'ljallanmoqda.

Darvozabon Bernd Leno ham oyoqlarida og'riq sezgan. Shu sabab "Avliyolar"ga qarshi qaydnomaga kirishi so'roq ostida. Yana bir ikkilanish Emil Smit-Rou bilan bog'liq.

U hozirda bugungi bahs uchun tayyor bo'lishi yoki bo'lmasligi tekshirilmoqda. Jamoaning qolgan qismi bahsga tayyorligi aytilgan.

Eslatib o'tamiz, "Arsenal" va "Sautgempton" uchrashuvi bugun Toshkent vaqti bilan 20:00da start oladi.

Manba: futaa.com