«Barselona»da yaroqli birgina hujumchi qoldi

«Barselona» hujumchisi Memfis Depay UEFA Chempionlar ligasi guruh bosqichidan o'rin olgan «Bavariya»ga qarshi o'yinda (0:3) jarohat oldi.

Butun o'yin davomida harakat qilgan futbolchi chap oyog'ining mushaklarida og'riq his qildi. Hujumchining maydonga qaytish vaqti tiklanish tezligiga bog'liq bo'ladi.

Shuningdek, Serxi Roberto ham yaqinda operatsiya qilingan. U muvaffaqiyatli o'tgan. Endi ispaniyalik 4 oyni o'tkazib yuboradi, deb yozadi jurnalist Samuel Marsden.

E'tiborlisi, «Barselona»da endi bitta sog'lom hujumchi qolgan. Bu—Lyuk de Jong.